無綫電視節目《真相猜．情．尋》播出有關八仙嶺山火的內容後，再度引發網民對山火倖存者張潤衡的討論，在張潤衡的fb專頁帖文留言，張並回應部份留言，但不少網民不收貨，繼續在其fb專頁留言質疑他的說法及做法。
節目提到，張潤衡原先答應受訪，但最終「甩底」。主持方東昇在節目尾聲，更引用張潤衡的名句「如果揾到答案，但無汲取教訓，歷史遲早重演，悲劇只會再臨，到時或者會真正應驗一句話：真相，畀你揾到又點呢？」被部份網民解讀為疑似「抽水」。
網民在節目播出後，先在張潤衡的fb專頁其它內容的帖文留言。張潤衡多番回應質疑，強調從未應允過接受《真相猜．情．尋》節目的採訪邀請，並指節目主持人之一的李嘉嘉一開始致電他時，他已明確拒絕受訪，批評對方「夾硬喺節目度話我應承咗佢」。有網民叫張潤衡觀看節目，但張指不會，批評「呢個節目本身就係出於極唔尊重嘅情況發生」。
他進一步解釋，節目方曾約他「傾幾句」，但他沒預料到對方會「帶晒成隊人過嚟，事前完全無通知過我」。他認為節目組「都係為收視為流量啫」，並認為節目有既定前提，會導致觀眾情緒傾向一邊，主持人的提問也「全部都係引導性㗎啦」。
指在山上玩gameboy
張解釋，山火發生時，他只是「坐咗喺度玩gameboy，聽到老師叫我走，我就即刻走」，因此反問「我都唔知真相，我點樣回答？」他坦言自己並非受過公關訓練的公眾人物，不擅長面對傳媒對答。
至於當年的山火調查報告提及，有中學生在發生山火位置附近的小平原吸煙，張回應「我在山上沒有見過人食煙」。至於目擊者提及有身穿藍白間條衣服的人吸煙，同張早年展示他在山火當日拍攝的照片吻合，有網民問張潤衡是否該人，張回應「我當日係有着過件藍白色嘅波衫，但係同時間我都有另一件長袖嘅黑白色衫。我依稀記得有印象，就係上小平原之前嗰段路，因為我哋要爆林，嗰度係喺密林入面嘅，啲樹枝都好鎅手，所以喺嗰個位置我係有着返嗰件長袖嘅黑白色衫。至於之後我幾時除返嗰件黑白色衫，我就真係冇印象了」。
張潤衡又表示，他仍保持著想法：「真相？你哋真係想搵真相咩？」。有網民問「最近咁多聲音，點解唔企出嚟講清楚」，他回覆指「企喺邊度講？企過好多次啦，大家都係只會聽佢哋想聽嘅」。他觀察到部份網民留言都「係偏頗性嘅，大家只不過想搵個你哋睇唔順眼嘅人你攻擊吓啫」。
被網民問及「帶打火機做乜呢？」，張潤衡則回應「之前已經解釋，不再回應」。
暫停覆留言 網民續質疑
到昨晚九時許，他在fb專頁發文，指「花了很多時間回覆部份留言，主要是因為一些不實指控已經困擾了我十年，我覺得有必要澄清一些無理和被歪曲的說法」；但「從這一刻開始，我會暫停回覆所有留言。原因很簡單 - 我需要在太太回來前晾好衣服，而且公司還有一堆工作等著我處理，是時候回到現實生活中的責任了」。
他表示「我已安排同事幫忙跟進這個帖子的留言。我以（按：已）向同事作出指示 - 所有帶有冒犯性和滋擾性的留言會被舉報及封鎖，而希望理性討論的留言，我會在有空時嘗試回覆」。
網民在該帖文下繼續留言，至今午已經有440多則。有網民批評張「呢幾十年不斷高調消費事件，消費死傷者」，又有人質疑他為何不上節目澄清，「你唔接受訪問但你而家又出千字文回應，好諷刺」。@
----------------------
♠️中美關係藏暗湧♦️
1️⃣ 美國境內的秘密戰爭
https://tinyurl.com/bdhrdnt7
2️⃣ 跨國鎮壓技倆一覽
https://tinyurl.com/4xst7r2d
3️⃣ 評論：習近平實權暗地移交 新決策層如何抉擇？
https://tinyurl.com/3c8h2d9n
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores
