準備三年 何韻詩錄畢全創作大碟

歌手何韻詩今日（21日）宣布，從2022年底開始籌備的全創作大碟，昨晚錄完最後一首歌，她直言「堅持很難，但能夠堅持到最後完成，真係好爽」、「實在有啲感動」，不過仍然有極多後期工作，並感嘆道「事到如今，實實在在地做好一件事，或者就係我地對時代嘅最燦爛回應」。

何韻詩在網上分享，「期待已久嘅時刻終於到來」，稱自己在製作期間心急如焚，「慣咗快、慣咗諗到就火速完成，再加上覺得自己已經『浪費』咗嘅咁多日子（基本上係2013年後）」，期間並不時被歌迷「串嘴兩下話自己等到頸都斷」，內心極度自責下「就比心急更心急」。

她回顧年初「大聲講咗要今年內要出，有面子同時間壓力」，但到10月初發現根本無可能，「某日panic（慌張）啲嘢做唔完之際，突然諗：『黐線，我咁趕為乜？』突然恍然大悟。逼死自己事小，逼死條team（團隊）又何必呢？」，認為與其「死趕爛趕」模擬的死線，「不如俾多少少時間自己同埋團隊做好件事」，但她補充要多謝這死線，及「無啦啦幫我宣揚咗出去搞到我無得返轉頭」的多名記者朋友。

感慨「廣東歌真係好難寫」

何表示「廣東歌真係好難寫，呢部份我要好好多謝自己」及在過程中「從旁鼓勵過扶持過嘅每一位」。她指「一筆一劃嘗試將一個最無雜質嘅自己寫下來，過程毫不簡單」，並說最難的，除要克服廣東話、廣東詞這些技術問題外，還有自己的心態，稱自己內心不斷出現懷疑聲音，指「你得唔得㗎？夠唔夠好㗎？搵人幫手啦！」，然後她「咬緊牙關，老老實實坐下來，一字一句慢慢鬥、慢慢寫、慢慢搵、慢慢嘗試繪畫自己，慢慢為自己重建」。

她並分享完成整張專輯後，對於理解自己文字亦有新體會：「唔會再出現『夠唔夠好』呢啲想法，甚至唔再care（在乎）『人地（哋）』覺得好唔好。呢個係好大突破，睇返timeline（時間線），應該係從九月寫嘅一隻歌『If we were』開始。呢隻歌題材極赤裸，而且vulnerable（情感上毫不掩飾），一路寫落去，發現佢自己有自己套路，無論我當初點設計，最終文字都係用返佢地（哋）想要嘅方法呈現。」