歌手魏浚笙（Jerffrey）上周六（22日）與Edan（呂爵安）、Jace（陳凱詠）和Marf（邱彥筒）一同在「拉闊音樂會」演出。不過有粉絲就質疑Jerffrey因工作太忙未有足夠時間採排，因而未能在音樂會上交出最佳表現。Jerffrey就強調自己有私底下練習，更表示「難道每次默默的練習，都要高調大聲宣布讓大家知道才算有練習嗎？」

Jerffrey當晚除了在音樂會上獨佔5首歌曲外，更與其他歌手有大量交流，包括以「公主抱」方式抱著Marf、又與Edan演釋《唱這歌》和《今期流行》等名曲，全場氣氛高漲。不過有Jerffrey的粉絲就質疑他是否因工作忙碌而疏於排練，因而影響表現：「作為咖啡豆（魏浚笙粉絲），見到佢出場率咁高係超級開心嘅，但作為睇4人拉闊嘅觀眾，就會睇得出應該係無時間夾太多cross over，畀多左solo佢……第一次舞台，似乎有少少唔夠時間排練，交出咗合格但未夠出色嘅自己，有少少浪費咗表現自己嘅機會，不過你都已經好叻仔！繼續加油！努力向前。」

Jerffrey亦有回應該名粉絲的留言：「多謝你支持，有時唔係唔想夾，係大家都比較擅長跳舞同想玩多啲跳舞，所以即使想盡力夾都夾唔得多，有心無力啊，我已經好努力盡join埋跳舞㗎啦。始終人生第一次舞台，我已經緊張到抖唔到氣，希望下次愈做愈好，攞多啲經驗，可以唱埋未唱嘅自己歌畀大家聽。」

及後Jerffrey似乎有感而發，自己在Threads出了一篇文抒發感受：「Don't judge a book by its cover，難道每次默默的練習 都要高調大聲宣布讓大家知道才算有練習嗎？早幾個月就開始作準備難道也要全部說出來，每個人的要求我都努力配合遷就，要我怎麼做就怎麼做，最後出來的結果為甚麼會演變成這樣的導向，我只是一個熱愛唱歌的人。」

後來他再發文澄清：「我對大家唔住，可能誤導咗大家，我只係見到有人提過幾句，我比較小同大家有collab係因為去咗巴黎無時間同大家夾而造成，但其實唔係事實，因為我私底下花咗好多心機時間提前去練去學，不過始終無舞步底，好多時join唔到大家太多跳唱，搞到觀感上比人咁樣嘅感覺，覺得有感而發而已，但其實琴晚嘅舞台係超開心又滿足！」@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column