在中美關稅戰陰霾下，金價日前急升。其中以高價收金著稱的中環忠記收金舖出現人龍放金。本報記者上周五下午到場觀察，發現有30至40人排隊，更有其他金鋪職員按老闆指示來賣金。有受訪者表示料賺逾倍。
金鋪員工Tony受訪時表示是代表公司來放金。他說近期金價急升，多人到金舖套現，「你驚佢跌咋嘛」。
被問到是否每日收到金後馬上就放，他坦言會，因為不知道第二天會否跌，「我哋見到貨就要放㗎嘛。因為可能突然間升一千蚊美金，突然間跌一千蚊美金」。
去年買金今年放 料升值兩成
從事工程業的陳生說，他去年中開始買金，到年尾存了大約十盎司，估計賺約兩成。他在網上聽聞忠記收金價較高，而且沒有佣金。
被問到為何選擇這一刻賣金，他表示因近期升得較多，又想看看股市會否有同樣投資機會。
對於中美關稅戰，他坦言會擔心影響香港經濟，「唔好亂使錢，儲多啲錢囉，同埋儲到嘅錢就即係多啲分散喺唔同類型嘅投資。」
至於早前股市下跌，他笑言「跌就係撈底嘅機會嘛」，不過由於美國政策較反覆，市場容易波動，認為要「睇定啲先好」。
金融業陳生：不擔心繼續走高 不可能「贏到盡」
另一位從事金融業的陳生指，自己十年八年前已開始買金，主要是金條，估計按現時的價位可能升了一倍。被問到會否擔心金價會繼續走高，他坦言達到自己目標或覺得開心就做，世界沒有後悔藥，不可能樣樣都「贏到盡」。
對於中美關稅戰，他不認為是動盪，並形容是回到30年前，又認為「佢哋（中美）兩個越打，香港越好」。他解釋，有朋友問他做什麼生意好，「我話梗係買貨入去大陸啦，乜理由呢？個稅口重啊嘛，（美國貨）來到香港無稅，一百蚊嘅東西來到香港都是一百蚊，但再入去大陸就變三百幾蚊，二百幾個巴仙稅，如果有人安排到運輸入去（大陸），用幾十個巴仙入去，就贏錢嘍」
他續指，上水每日都有人帶貨北上，「龍蝦都每隻兩隻揹過去，咁係唔係賺錢啊，美國龍蝦來到香港一百蚊，一百蚊拿過去變成三百蚊，現在一百五十蚊賣給人，食到嗰個係唔係好開心啊。」
美國對香港加關稅 陳生：中國害我哋
另外，陳生說不認同政府「中國好，香港好」的說話，反而認為「中國唔好，香港好」。他解釋：「中國好有乜嘢？依家搶晒所有運輸港、物物港，學晒你啲嘢，依家人哋叻啦，依家你香港咩啊？甚麼東西？一個城市，前幾年仲話想香港變為一千個城市中其中一個城市，中國其中一個城市，咁香港有乜價值？No value，已經無價值，同中國其中一個城市嗰陣，你係唔係覺得無價值啦？」
對於美國現時一視同仁對香港和中國加稅，他直言「呢個係中國害我哋」，如果一直都說中國和香港是一國兩制，是分開的，歐美可能會認同，但早幾年大陸的動作告訴別人香港只是中國一個城市，「咁當佢要對付中國，點解唔對付埋香港啊？」@
----------------------
♠️中美關係藏暗湧♦️
1️⃣ 美國境內的秘密戰爭
https://tinyurl.com/bdhrdnt7
2️⃣ 跨國鎮壓技倆一覽
https://tinyurl.com/4xst7r2d
3️⃣ 評論：習近平實權暗地移交 新決策層如何抉擇？
https://tinyurl.com/3c8h2d9n
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores
