有網民昨晚發帖，指有葵青區專線小巴的外勞司機，用普通話與乘客溝通，有長者聽不明白「問多咗一句」，遭司機用普通話呼喝。發文的乘客不滿司機在駕駛期間，開抖音直播「勁大聲」，亦無回應乘客「有落」，當向營辦商投訴，對方稱「得啦，我會同佢講」。
發文的網民並附上一段長約8秒的影片，聽到正在行駛的小巴內，車廂有講普通話的聲音。另外，即使小巴正在行駛，車內的車速顯示器仍然顯示為「0」。
網民在帖文的留言欄補充事件細節時，稱自己乘坐93號小巴，當聽到司機罵人，「我當下同隔籬個姨姨都呆咗，未反應得切⋯⋯應該當場話佢」，大嘆自己「失策」。另外，其在該線遇過大陸司機兩次，「但上次嗰個就正常嘅，都有舉手示意」，但「呢個冇禮貌不特止，又唔回應，仲要呼喝啲老人家」。
查93號小巴往來華員邨及荃灣，途徑祖堯邨、荔景站、葵福路、楊屋道，由「好景專線小巴管理公司」營運，該公司並管理46M、47M、90M、92M及93A小巴線。
本報向「好景」查詢，對方稱要有時間、日期、車牌才查到事件，並指如果確認司機表現欠佳，會考慮解僱有關司機。
有網民留言稱，「請得外勞嘅行業都係冇人入行，但係呢個行業又要繼續運作，咁有乜辦法」。發文者回應，「係丫（呀），所以都好心噏」。
又有網民分享類似情況，稱昨日乘專線小巴由錦田到元朗，「我同司機講嘢，佢普通話應『甚麼？』，咁我打個手勢話唔識講普通話，咁佢喺香港揾食，唔識廣東話點得」。@
----------------------
【新】📊 每周財經解碼
https://tinyurl.com/2asy8m4p
🔑 談股論金
https://tinyurl.com/yc3uda7e
----------------------
【不忘初衷 延續真相】
📰周末版實體報銷售點👇🏻
http://epochtimeshk.org/stores
