網民：主教山被霸官地 僭建神壇等 報地政遲未回覆

以山頂的羅馬式配水庫聞名的深水埗主教山，有網民指山中有多處霸官地、僭建問題，包括棚架、神壇，稱已經報告地政當局，但遲遲未有回覆。

有網民昨（16日）在網上發布一條在晚上拍攝的影片，顯示主教山的官地上搭起一座過百平方呎的棚架，通往該處的入口有當眼告示，指該處是「政府土地，不准擅闖、佔用、傾倒、挖掘及耕種，違者會被檢控」。發片者表示「起到咁都冇人理。已經報咗地政兩個禮拜，一啲迴（回）音都冇，屋都就起好。仲可以點？非法僭建破壞環境。無法無天。」

另外，發文的網民稱另一處的梯級頂處有非法僭建的神壇，「都係報咗地政冇人理。由佢起緊嗰陣我影曬相有晒證據。依家起好咗，仲不停加建，水泥鋪完一層又一層，周圍啲樹都俾佢焗死幾棵。由朝到晚開大個喇叭播佛經，有時播收音機，距離幾層遠喺地下都聽到，極滋擾。可以點？睇住啲人破壞環境好辛苦。」發文的網民並說，在9月超強颱風樺加沙襲港後，僭建者「一日就將呢個場還原，係有效率嘅。如果呢班人嘅能力唔係用喺破壞環境方面就好啦」，並表示「呢個場幾年前都仲係一個樹林，係呢班人非法燒樹、劈竹、填水泥，將樹林填平」。

有網民昨（16日）在網上發布一條在晚上拍攝的影片，顯示有關地方是官地。（hayyydd@Thread）

網民：報警後遭襲擊

該網民補充，自己是在1823的手機應用程式報當局，當局曾經回覆稱回跟進神壇事宜，「但至今0 action（行動）。由佢起我開始報，到依家已經超過一年。」亦有試過報警，「但警察嚟到嘅時候冇人動緊工，佢哋就話冇嘢做到」，該網民稱自己帶警察視察環境，「起嘢嗰班人知道係我report（舉報）佢哋，對我人身安全都有危險」。該網民又稱曾遭人揮刀試圖襲擊。

不同網民紛紛就當局遲遲未有行動，提出不同建議，包括「你去申訴專員投訴地政，包地政即刻做嘢」、「好話唔好聽… 最快趣可能係報東張….」、「不如等佢差唔多起好7-8成先報東張，等佢晒錢起左7-8成之後又要拆返去」。又有人調侃「你走去噴果（嗰）八個字，保證24小時內拆晒」、「你噴啲反共標語一陣就有國安黎清場」，並有人建議「唔好報1823，要直接電郵地政總署，我媽之前都電郵15次先開始做嘢」。亦有人批評「區議員真係白出糧，垃圾」。