今天沒有新聞,只好跟群組內「藍絲」吹水:「有冇去投票?」

A:「投咗。」我問投給誰。

「光B吖嘛,你前排咪寫過囉,我一睇完你篇文就投,佢藍㗎嘛,我梗支持。」A答。

我:「我講今日投票呀!」A:「哦,冇喎。」

我:「點解唔支持下?超哥話,鍾意嗰個人就梗係追呀嘛。」A:「傻仔,我個個都咁鍾意,仲使乜嘥時間投票?好似我淨係鍾意尹光,其他冇個鍾意,咁我去投先有意義㗎嘛!」

我問藍絲B投票沒有。B:「我都想投,不過我喺多倫多。特首應該全球擺票站啦,呢邊好多人支持新制度㗎嘛,但唔通你叫人搭飛機返去投咩!」

C接着說:「我本來都好想投,但近排食得通菜多,投唔到。」我問食通菜關投票咩事。

C:「我個選區叫紅花嶺,聽個名都知要上山啦,我呢排食得通菜多,隻腳朝朝早抽筋,而家仲陰啲陰啲痛,點行呀?」我告訴C,紅花嶺投票是不用爬山的。C回應:「我唔知,我唔理,總之我唔想行。」

特區政府好不容易「止暴制亂」、「由治及興」,製造一個祥和環境讓大家投票,而這群聲稱支持政府的「藍絲」卻選擇躺平,實在令我非常失望,於是我忍不住說:「你哋咁即係唔支持政府啫。」

A反駁:「又唔可以咁講,前日曾國衛講得好清楚,『冇投票亦都唔等於佢唔支持』吖嘛,投票率唔係越高越巴閉,北韓夠高啦,唔通佢好民主咩!」

B附和:「咪係,其實政府要谷高投票率,根本易過借火,佢哋唔做之嘛。」我問怎樣做呢。

B:「嗱,建制派鐵票就120萬咁上下,如果黃人唔投票,投票率就3成都冇,所以政府一定要吸引黃絲去投票,先谷得起成條數。但有咩方法叫黃人去投票呢?」

沒有人想到答案。

B:「其實唔難,就係特首同3司15局領導直播食屎。投票率高過25%,由副局長開始食,高過40%,到局長食,55%開始輪到副局長,60%到司長,如果好彩破到2019年投票率,咪特首食囉。黃絲為咗睇人食屎,一定空群而出,而『嚐糞』又係二十四孝故事之一,古人嚐糞示孝,今日港官嚐糞表忠,既體現中華文化偉大傳統,又可以幫国家講好選舉故事,根本一舉兩得。」

截至執筆一刻,投票率僅過兩成,非常低迷,肯定令中共灰頭土臉,希望「以結果為目標」的特區官員可果斷採納藍絲B的建議——這才稱得上是「無所不用其極」,對不對?◇(本文獲作者授權轉載)

作者簡介

馮睎乾,作家,在多家媒體任專欄作家。www.patreon.com/sefirot

----------------------
♠️中美關係藏暗湧♦️
1️⃣ 美國境內的秘密戰爭
https://tinyurl.com/bdhrdnt7
2️⃣ 跨國鎮壓技倆一覽
https://tinyurl.com/4xst7r2d
3️⃣ 評論:習近平實權暗地移交 新決策層如何抉擇?
https://tinyurl.com/3c8h2d9n
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores

🔔下載大紀元App 接收即時新聞通知:
🍎iOS🤖Android